Ons kuier in München

Die tyd vlieg verby en nou na byna 'n jaar was ons weer vir die eerste keer in München. Die stad, die omgewing en die mooi natuur het ons geniet maar ons is tog bly dat ons nou op die platteland woon.

Ons het vir die tyd by Angelika en André gewoon en hulle het ons lekker bederf. Ons het heerlik geeet,

en gedrink,

en die biertuine was elke keer weer lekker om met vriende te kuier.

Naby waar André hulle bly is ook baie om te doen, met woude en mere en lekker eetplekke.

Hierdie is nie een of ander tropiese eiland nie, dit is aan die Starnberg meer by Tutzing.

Langs die Isar is ook altyd iets om te sien en ons het lekker gaan stap met Annabell en Fred.