Ons lewe in Junie

Junie was vir ons ´n besige maand. Die groot projek kombuis is nou klaar, behalwe vir ´n paar kleinighede, en ons is baie tevrede en bly dat ons dit gedoen het. Ons het die vertrek veral baie ligter gemaak en gemoderniseer.

Hier is ´n foto van voor ons ingetrek het.
En so lyk dit nou.

Verder het die tuin en allerlei werkies in en om die huis ons besig gehou. Die rose is weereens pragtig.

Die somer het ook op tyd gekom en ons gaan stap gereeld en het lekker aarbeie gaan pluk.

Kuier by Marda en Herman

Ons het weer by Herman en Marda gaan kuier en ´n paar lekker dae saam deurgebring.
Dit is lekker om te sien en hoor dat dit goed gaan met hulle.

Saam rongeloop en fiets gery met Herman.

Op pad na hulle het ons ook ´n draai in die pragtige stad Brugge gemaak.