Voorspoedige Nuwe Jaar

Ons wens al die lesers van hierdie blog ´n gelukkige en gesonde Nuwe Jaar.

´n Wit Kersfees met kleinkinders

Hierdie jaar het ons vir ´n verandering weer ´n wit kersfees gehad. Bad Bentheim het by hierdie geleentheid ´n nuwe toring gekry met houtsneefigure wat die Kerstoneel uitbeeld en stadig in die rondte draai.

Met die kleinseuns het ons gaan slee ry teen die bult by die kasteel. Hulle het dit vreeslik geniet en vir oupa moeg gespeel.

 

 Af is heerlik maar op is harde werk teen die gladde stylte.

 

 By die huis kon die kinders elke dag ´n sakkie van die Adventskalender oopmaak vir iets lekkers.

 

 

 

Toe die sneeuman bou nie wou werk met die poeiersneeu nie, het ons maar besluit om ´n sneeuberg te bou.

Die seuns het fluks gehelp.

Michelle het meestal binne gespeel

maar sy moes darem ook ´n rukkie voel hoe is dit in die sneeu

Sinterklaas in Nederland

Begin Desember kom Sinterklaas na Nederland en vir die kinders een van die hoogtepunte van die jaar. Sint en die Swart Piete is oorals en Oupa en Ouma was ook daar toe Sint die skool besoek het.

Oupa se meisiekind

Ons het weer die kleinkinders vir ´n hele week by ons gehad en dit was baie lekker al maak dit moeg.
Al drie is baie lief maar die klein Michelle is vir oupa baie spesiaal op hierdie stadium en ´n mens kan sien hoekom.

Die maand September

Na ´n baie besige Augustus was dit eintlik redelik rustig in September.
Ons was ´n daggie in Düsseldorf langs die Ryn.

Ons was ´n week in Holland, aan die Noordsee, my nuwe vlieers uitprobeer, ´n paar mooi plekkies opgesoek en by die kinders ´n draai gemaak.

Noordsee by Egmont

Alkmaar

Hulle word so vinnig groot.

Terug in Bad Bentheim het ek gehelp met die plaaslike Bierfees en ons het natuurlik saam geniet van die heerlike koue bier.
Dit is ´n groot werk maar as alles klaar is lyk dit so en dan pas daar ongeveer 800 mense in die tent.

Saterdagaand was ons by die fees en Sondagmiddag weer saam met Tinus en Tineke.

Prost!

Nachbarschaft (Buurskap)

In ons omgewing bestaan die baie ou tradisie van "Nachbarschaft", ´n Duitse woord wat goeie buurskap beteken.
In ´n woonbuurt deel die mense hulleself op in groepies van so 5 tot 8 families wat dan saam ´n Nachbarschaft vorm. Ons doen dan bepaalde dinge saam, help mekaar soos nodig en vier saam fees as daar ´n geleentheid is.
My 60ste was natuurlik so ´n geleentheid maar die afgelope week was daar ´n troue van een van die bure se dogters en dan het ons baie werk.
Die huis van die bruid moet dan versier word en daarvoor bou die bure ´n "Bogen".
Lank voor die tyd kom die bure bymekaar om te beplan waar ons gaan werk en waar ons die bome kan kry. Die week voor die troue word dan die meeste werk gedoen.
Ons het 3 dennebome gekry by ´n boer in die omgewing en ons het hulle self gaan afsaag en die takke en pale huistoe gebring.
By elke geleentheid soos by die beplanning, die bome kap en die werkery word daar natuurlik ook saamgekuier met ´n biertjie of iets lekkers.

Die vrouens kom bymekaar om die blommetjies te maak en die mans moet die dennebome verwerk.

´n Paar dae voor die troue kom almal bymekaar om die Bogen op te sit

en die resultaat lyk dan so.

Ons was natuurlik ook genooi na die baie mooi troue, kompleet met perdekoets en ´n groot fees.

So moet ´n bier mos lyk.

Een van die baie lekker presente wat ek vir my verjaarsdag gekry het was ´n bierkraan.
´n Mens tap die heerlikste yskoue bier en so lyk die resultaat:
Mmmmmm.. Lekker!

Prost!

Ons vier fees

Saterdagaand het ons my verjaarsdag gevier. Ons het almal by ons huis bymekaargekom vir ´n drankie en ´n lekker happie (Dankie Gela). Ons het amper al die 40 gaste op die foto gekry.

Daarna het ons almal saam gestap na die hotel waar ons dit gevier het.

Heerlik geeet, baie pret gehad en gesels en gedans tot laatnag!

Ek word 60

Dit was baie lekker om te verjaar en ons is baie dankbaar vir gesondheid en voorspoed.
Gelukkig voel ek nie so oud as ek lyk nie.

Die lekkerste van om 60 te word is dat al die kinders en kleinkinders huistoe kom. Dit was heerlik om hulle almal hier te hê onder een dak en hulle het my baie bederf met goeie wense en groot presente.

Dit was ook lekker dat Lien en Jan hier kon wees en ´n pragtige boek met baie mooi herinneringe namens die familie te oorhandig.
En ons kon ´n mooi familiefoto maak. Dankie Monica.

Ja en nog ´n geheimpie het uitgelek, ek het ´n nuwe girlfriend. Sien verder ondertoe:

Dankie vir hierdie foto Maryna.

Maryna en Elliott kuier

Maryna en Elliott het ´n lekker vakansie in Europa gehou en ´n week voor my verjaarsdag ook by ons hier in Bad Bentheim kom kuier.
Ons het sommer ´n paar lekker rustige dae saam gehad en ´n paar mooi plekkies in die omgewing ook gaan kyk. Dit was Elliott se eerste kuier by ons en dit was baie lekker vir ons almal.

Etrese het dit baie geniet om ´n paar dae met Maryna te wees.

Michelle en die seuns kuier by Ouma en Oupa

Dit is weer vakansietyd en die kleinkinders kom kuier by ons. Hierdie keer is Michelle ook saam en vir die eerste keer ´n week weg van mamma en pappa. Wonder wat sy alles daarvan dink.
Maar al baie gou was dit pret en plesier vir almal. Ons het haar veral baie geniet en sy was die hele week gelukkig en tevrede om by ons te wees.

Haar boeties het lekker saamgespeel.

En wat is nou lekkerder as sand en water op ´n mooi dag

Hierdie is by ´n meer ongeveer 10km van ons huis af

Geen wonder ouma se rug is nou seer nie

As Michelle se hare so krul is daar seker maar reen op pad

´n Regte meisiekind

en eiewys ook

Die seuns geniet Lego, speelparke en fietsry

en Michelle het geleer stap die week!